Врз основа на добиената акредитација за организирање на натпревари по географија за основно образование и согласно критериумите предвидени со Правилникот, Пропозициите и Протоколот за одржување на натпревари во услови на пандемија, Здружението на професори по географија на Македонија „ПРОФ. Д-Р ЉУБЕ МИЛЕНКОВСКИ“ – Скопје, успешно ги реализираше натпреварите на општинско, регионално и државно ниво.

На 04.06.2021 година, со почеток во 11:00 во амфитеатарот на Универзитетот за туризам и менаџмент во Скопје беа доделени дипломи, пофалници и признанија на сите ученици, ментори и Основни Училишта, учесници на државниот натпревар по географија. Покрај дипломите, за учениците и менторите кои ги освоија првите три места беа обезбедени и соодветни награди.

За освоено прво место ученичката Матеја Талеска и менторот Љупчо Велковски од ООУ„Кузман Шапкарев“ од Општина Драчево – Скопје, беа наградени со по еден лаптоп и атлас.