Општинското основно училиште „Кузман Шапкарев“ н. Драчево, Скопје, настанало со поделбата на ОУ „ Братство Единство ” во н. Драчево. Согласно решението на Собранието на град Скопје, Соборот на работните заедници и со одлука на советот на ООУ „ Кузман Шапкарев ” од 2 јули 1971 година почнува да работи нашето училиште. Оттогаш во нашето училиште се одвива квалитетна воспитно образовна дејност за која најголема заслуга имаат наставниците кои со својата посветеност и сериозен пристап кон работата ги насочуваат учениците кон позитивност и креативност во учењето. Учениците се гордеат што учеле во ова училиште кое отсекогаш имало високо реноме во општината и е синоном за успешно опстојување, а наставниот кадар и учениците нижат успеси преку разни проекти во државата и во светски рамки. Нашето училиште бележи континуиран воспитно-образовен процес веќе 50 години, а наставата се изведува на македонски јазик.